Մի Պայմանով
Ջուր տուր ծարավն,
Թող լեզուն թրջի,
Ճանապարհ ցույց տուր
Մոլորայինեին թափառաշրջիկ:
Չհանգստանաս ,
Մինչև որ պարտքդ իսպառ չփակես,
Սսկիր վազը,
Որ գինի տա քեզ:
Օգնիր ինձ գտնեմ իմ եղբայրներին,
Որ օտար հողում ինձ են սպասում,
Օգնիր մայր հողում ամփոփել նրանց
Մասունքները սուրբ…
Եվ թույլ տուր ասել,
Որ արժեր ապրել այս երկրում իրոք:
Հետո… կգնամ,
Թե ուր կգնամ, դա կամքն է Տիրոջ
Վերադարձ
Իջնում եմ լանջով Ձիթենյաց լեռան,
Եվ Ձա՞յն եմ լսում, թե՞ դա ինձ թվաց –
Ինչու՞ ես լռում, դու դեռ չես մեռած:
Իսկ ես ասում եմ: Լսու՞մ ես, Աստված,
Դու ինձ ասացիր ուղիղ ընթացիր,
Ծառայեցի քեզ ու մեձավորիս,
Կիսեցի անգամ պատառն իմ հացի,
Երազ ու միրաժ, ցավերն օտարին:
Ապարանջանը՝ մանկան գլորած,
Երկաթե օղ եմ համարում էլի,
Մխացող վերք է ժպիտս կորած,
Չաներս մամռոտ քարերով են լի:
Մեզ ատելության թույն են ներարկում
Քրքրել են մեր դրոշները սուրբ,
Եվ ստիպում են, որ մենք կում առ կում
Դառնության գավը խմենք ցմրուր:
Իջնում եմ լանջով Ձիթենյաց լեռան,
Եվ Ձա՞յնն եմ լսում, թե՞ դա ինձ թվաց –
Ինչու՞ ես լռում, դու դեռ չես մեռած:
Իսկ ես ասում եմ:Չե՞ս լսում ես, Աստված,
Աղբյուր՝ Վրացական Պոեզիա- Գագիկ Դավթյանի թարգմանությամբ
Էջ 17-18
Մուտքագրեց Տիգրան Ադամյանը